Иссиқ кунларда, бир томондан, иложи борича кўпроқ суюқлик ичиш керак. Бошқа томондан эса, биз қанча кўп сув ичсак, шунча кўп чанқаймиз, яъни фақат чанқоқбосди ичимликларни истеъмол қилиш керак.

Қуйидагилар чанқоқни қолдирмайди:

 -  мава шарбатлари

 -  ширин газли сув

 -  қаҳва

 -  алкоголли ичимликлар ва коктейллар.

Қуйидагилар эса ёзда чанқоқни аъло равишда қондиради ва инсон танасига бардамлик бахш этади:

 -  реза мевали морслар

 – шакарсиз кўк чой (иссиқ ҳолда ҳам, совутилган ҳолда ҳам)

 -  квас

 -  хона ҳароратидаги минерал сув ва оддий сув (илиқ).

Иссиқ кунларда қовурилган гўшт, ёғли шўрвалар, майонезли чучвара, шунингдек дудланган колбаса ва устига қават-қаватлаб кўпчитилган қаймоқ қуйилган тортлар каби "оғир” маҳсулотларни истеъмол қилиш мумкин эмас. Бу каби маҳсулотлар сизга қувват бағишламайди, аксинча уни тортиб олади, чунки иссиқ билан курашаётган организм оғир овқатларни янада кучлироқ ҳазм қила бошлайди. Натижада  уйқусираш, лоқайдлик ва ҳорғин ҳолат сизга кафолатланади.

Қуйидаги мураккаб таомлар ҳам тавсия этилмайди:
"Оливье" салати, "французча картошка", қўзиқоринли қиймаланган товуқ  ва ҳ.к. Таом таркиби қанча хилма-хил бўлса, организмнинг ҳазм қилиши шунча оғир кечади.

Тавсия этамиз
Ёзда дастурхонимизда янги узилган, қайнатилган ва тоблаб пиширилган сабзавотлар ва мевалар бўлиши лозим. Бу каби мажбурий парҳез нафақат сизга енгиллик ва бардамликни бахш этади, балки ортиқча вазндан ҳам узоқ вақт халос бўлишга ёрдам беради.