Шунингдек, Ucell оператори 23 апрелдан Prepaid тизимидаги "GAP", "Ucell олами", "Кўпроқ мулоқот", "Тунги", "Online", " Яқинроқ бўл", "Кўпроқ гапир", "Эслаш осон" ва "3G modem" тариф режаларининг кундалик абонентлик тўлови ошиши ҳақида хабар беради. У 1 центдан 2 центгача кўтарилади.
Худди шундай нарх ошиши, яъни 1 центдан 2 центгача қимматлашув 1 майдан бошлаб МТС уяли алоқа компаниясининг "Dial’OK", "Салом" ва "Универсал" тарифларида ҳам кутилмоқда.
"Zvon’OK" тариф режасида абонентлик тўлови 2 центгача ошишидан ташқари, тармоқдаги чиқувчи ички қўнғироқларнинг биринчи дақиқаси 2,5 центгача (ҳозир 2 цент) кўтарилади. Тармоқдаги чиқувчи ички қўнғироқларнинг биринчи дақиқасидан кейин эса, қўнғироқлар олдингидай бепул бўлиб қолади.
Тариф режаларидаги барча ўзгаришларни МТС-Ўзбекистон компаниясининг расмий сайтида билиб олиш мумкин.
Файд этиб ўтамиз, ҳозирча Perfectum Mobile уяли алоқа оператори тариф режаларидаги ўзгаришлар ҳақида хабар бергани йўқ.
Эслатиб ўтамиз, 2012 йилнинг 1 январидан бошлаб Ўзбекистонда мобил алоқа хизматларини кўрсатувчи юридик шахслар учун абонентлик рақамларидан фойдаланганлик учун ойига 400 сўм миқдорида тўлов жорий этилган эди.
Ушбу чора жорий этилиши билан Ўзбекистондаги барча мобил алоқа операторлари оммабоп тариф режаларида нархлар ошиши ёки абонентлик тўловининг жорий этилиши тўғрисида хабар беришди. Шундай қилиб, бу йил бошидан буён мобил алоқа нархларининг иккинчи бор кўтарилишидир.
