"Тошкент шаҳри ва
Тошкент вилоятида доимий  прописка қилиниши лозим бўлган шахслар – Ўзбекистон
Республикаси фуқаролари тоифаларининг рўйхати тўғрисида”ги Қонун ва бошқа
қонунчилик ҳужжатларига мувофиқ Маъмурий жавобгарлик тўғрисидаги Кодекс ва
Солиқ кодексига ўзгартиришлар киртиляпти.
"Ўзбекистон Республикасининг маъмурий жавобгарлик тўғрисидаги кодекси ва
Ўзбекистон Республикаси Солиқ кодексига ўзгартишлар ва қўшимчалар киритиш
тўғрисида”ги қонун лойиҳаси парламентнинг қуйи палатасида биринчи ўқишда қабул
қилинди. Эслатиб ўтамиз, қонунчиликка кўра пойтахтда вақтинчалик прописка
ўрнига фуқаролар яшаш жойида рўйхатга олинади. Ушбу жараён ички ишлар органлари
томонидан амалга оширилади.
Шундан келиб чиққан ҳолда, паспорт тизими қоидаларининг қонуний механизмини
таъминлаш мақсадида қонун лойиҳасида Маъмурий жавобгарлик тўғрисидаги
кодекснинг 223-моддасига ва Солиқ кодексининг 328, 335 ва 340-моддаларига
тегишли ўзгартишлар ва қўшимчалар киритиш кўзда тутилган, дея хабар беради Олий
Мажлис Қонунчилик палатаси матбуот хизмати.
Хусусан,
фуқароларнинг бўлиш жойида рўйхатдан турмасдан яшаш қоидаларини бузганлиги,
паспорт тизими қоидалари учун жавобгар шахслар томонидан фуқароларнинг бўлиш
жойида рўйхатдан турмасдан яшашига йўл қўйганлиги учун маъмурий жавобгарлик белгиланади.
Бундан ташқари, фуқароларнинг Тошкент шаҳри ва Тошкент вилоятида бўлиш жойи
бўйича рўйхатда туриш учун давлат божи ундирилади ва уни тўлашдан озод этилади.
Депутатларнинг фикрича, таклиф этилган ўзгаришлар ва кўшимчалар фуқароларни
пойтахт ҳудудида доимий пропискага қўйиш ва рўйхатга олиш жараёнларини тартибга
солиш ва соддалаштириш бўйича қулай шароитларни яратишга кўмаклашади.
|
