"Челси" жамоаси ҳужумчиси Фернандо Торрес "Барселона"га қарши Чемпионлар лигаси ярим финал ўйини олдидан ўз фикрлари билан ўртоқлашди. "Менинг "Барселона"га қарши статистикам яхши. Бу жамоага қарши ҳимояда ўйнаб, қарши ҳужумларда гол киритишга ҳаракат қилиш керак. Бундай ўйин менга ёқади. "Атлетико"да ўйнаб юрган вақтларим "Камп Ноу"да биз икки ё уч марта ғалаба қозонганмиз. Ҳозир ҳаммаси ўзгарган. "Челси" топ клублар сирасига киради. Аммо мен испан клубига қарши ўйинда ниманидир исботлашим кераклигини ҳис қилмаяпман", - дейди Торрес "Челси" расмий сайтига берган интервьюсида.
| 
