| Статистика |
Xozir saytda 127 Mehmonlar 127 A'zolar 0 |
|
 | |  |
|
09:29:24 Suvda Xujjatlarsiz Foydalanish ga 10.0 Mly sum jarima |
Ўзбекистон Республикаси Қишлоқ ва сув хўжалиги вазирлиги Сув хўжалиги бош бошқармаси томонидан 2012 йилнинг биринчи чорагида амалга оширилган ишлар якуни сарҳисоб қилинди.Республика вилоятларида 2011-2012 йиллар кузги-қишки мавсумида иқтисодиёт тармоқлари эхтиёжлари учун жами 13429 млн.м3 сувнинг чекланган миқдори белгиланиб, шундан 10400 млн.м3 қишлоқ хўжалиги, 2211 млн.м3 энергетика, 1128 млн.м3 коммунал хўжалиги, 388 млн.м3 саноат, 152,6 млн.м3 балиқчилик ва 256,7 млн.м3 бошқа сувдан фойдаланувчилар эҳтиёжлари учун ажратилди.
2012 йилнинг 1 апрелига Республика бўйича қишлоқ хўжалиги экинларини суғориш ва шўр ювиш ишлари учун 9594 млн.м3 (2011 йилда 11179 млн.м3) сув сарфланди, яъни лимитга нисбатан ушбу кўрсаткич 92 фоизни ташкил қилди. Лимитга нисбатан Навоий вилоятида 102 фоиз, Қорақалпоғистон Республикасида 102 фоиз сув сарфланди. Бу йилги куз-қиш ойларида ёғингарчилик миқдори кўп бўлганлиги ва ерларда намгарчилик етарли бўлганлиги сабабли суғориш ишларига сув ресурслари кам олинди.
Етказиб берилган сув билан жами 6328 минг га/суғориш (6543), шундан кузги ғалла 2790 минг га/суғориш (3568), шўр ювиш ишлари 1251 минг га (1244) майдонда амалга оширилди. 2011-2012 йилларнинг кузги-қишки мавсумида вилоятларда сув ресурсларидан оқилона ва мақсадли фойдаланишда йўл қўйилган камчиликлар, яъни ирригация тизимларидан сув олиш қоидаларини бузилиши, сувдан хўжасизларча фойдаланиш, сув хўжалиги объектларидан олинадиган сув миқдорини ҳисобини юритиш қоидаларига амал қилмаслик каби ҳолатлар аниқланиб уларга нисбатан чоралар кўрилди.
Жумладан, мавсум давомида аниқланган камчиликлар бўйича жавобгар шахсларга нисбатан 1658 та (2013) далолатномалар тузилиб, улар билан сувдан фойдаланишнинг амалдаги қонун-қоидалари тўғрисида тушунтириш ишлари олиб борилди. Такроран "Сув ва сувдан фойдаланиш тўғрисида"ги қонун-қоидаларни бузган айбдор фуқаро ва мансабдор шахсларга нисбатан Ўзбекистон Республикасининг Маъмурий жавобгарлик тўғрисидаги кодекси асосида 166 та (200) ҳолат юзасидан тузилган баённомалар асосида 10,0 млн.сўм (10,1) миқдорида жарима расмийлаштирилиб, тўлиқ ундириб олинди.
Бугунги кунда республикада 1497 та (1486) Сув истеъмолчилари уюшмалари умумий майдони 3,79 млн. гектар бўлган сув истеъмолчиларига, жумладан фермер хўжаликларига сув хўжалиги хизматини кўрсатиб келмоқда, дея қайд этади uzreport.com. СИУ лар томонидан 2012 йил давомида сув истеъмолчиларига жами 43,7 млрд. сўмлик хизмат кўрсатиш режалаштирилган бўлиб, жорий йилнинг 1 апрелига қадар 5,9 млрд. сўмлик хизмат кўрсатилди. Шундан 3,4 млрд. сўми ёки кўрсатилган хизматнинг 59 фоизи тўлаб берилди.
Амалда чораклик режанинг 102 фоизи ёки 1960,0 километр узунликдаги хўжаликлараро суғориш тармоқлари тозаланди ва бунда 266 та экскаваторлар ишлатилди. Бу даврда 1843 дона, 103 % гидротехник иншоот ҳамда 2012 дона, 105 % гидропост таъмирланди. Режадаги 5572,7 километр ўрнига амалда 5738,2 километр ёки 103 % масофадаги хўжалик ички суғориш ариқлари тозаланди, шунингдек, қўл кучи билан амалда 41086 километр, 104 % тозаланди. Ушбу тармоқлардаги 6794 дона (103%) гидротехник иншоот ҳамда 8446 дона (105 %) гидропостлар таъмирланди.
Суғориладиган ерларнинг мелиоратив ҳолатини яхшилаш Давлат дастури доирасида суғориладиган ерларнинг мелиоратив ҳолатини яхшилаш тадбирларига 2012 йилда жами 210,0 млрд. сўм (шундан мелиоратив объектларни реконструксия қилиш ва қуриш ишларига – 93,21 млрд. сўм, таъмирлаш ва тиклаш ишларига – 92,94 млрд.сўм ҳамда мелиоратив техникалар харид қилиш учун 23,85 млрд. сўм) маблағ ажратилган.
|
|
Категория: QIZIQARLI MA'LUMOTLAR |
Просмотров: 739 |
Добавил: Admin
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
