Шуҳрат Қаюмов

Мен ўзбек замонавий эстрадаси қўшиқчиларидан Зиёдани тан оламан. Масалан, врачнинг олдига бориб сиз операция қила оласизми деб савол бериш ғирт бемънилик бўлганидек, хонандаларга ҳам сиз жонли овозда ашула айтасизми деб савол бериб бўлмайди. Чунки хонанда жонли овозда ашула айта билиши шарт. Шунингдек, Зиёда ҳам фонаграммасиз жонли ашула айта оладиган хонандалар сирасига киради. Унинг ижодини ҳурмат қиламан. Кейин Гулсанам Мамазоитовани ҳурмат қиламан. Фонаграммасиз ашула айта оладиганлар бармоқ билан саноқли. Ўзбек эстрадасида агар ғалвирни сувдан кўтаришса, овози йўқ хонандалар битта битта тўкилади.  Шунинг учун айрим санъаткорларга нисбатан жонли куйларкан дея ҳайрат билан қарашади. Шаҳзодага келсак, яна экранларга қайтгани билан табриклайман.

Ҳилола Ҳамидова

Шаҳзоданинг ижоди менга ёқади. У санъаткор сифатида жуда тиришқоқ, меҳнаткаш. Шеърлари, мусиқалари тингловчига яхши таъсир қилади. Бизнинг устозларимиз — овоз кучли диапазонли бўлиши шартмас, лекин мунгли, дардли ва ёқимли бўлиши керак, деб айтишарди. Тўғри, овози унчалик кучли диапазонга эга бўлмаса ҳам лекин ёқимли. "Кечалари ёқимли” қўшиғи бир оз очиқроқ куйланган. Бошқа қўшиқлари замонавий ўзбек эстрадаси талабларига жавоб бера олади. Унинг яна телевидениега қайтганлигига ижобий муносабат билдираман.

Анвар Собиров

Мен ўзи Шаҳзода билан яқиндан таниш бўлмасам-да, лекин ижодини жуда ҳурмат қиламан. Ҳозирги чиқиб келаётган овози йўқ, қўшиқлари саёз хонандалардан кўра Шаҳзода барибир ажралиб туради. Шунинг учун унинг  яна тўлиқ ижодга қайтганидан очиғи мамнун бўлдим. Умуман хонандамизни бу муваффақияти билан чин дилдан қутлайман.

Умида Мирҳамидова

Шаҳзодани яна экранга қайтганидан хурсандман. Нимага деганда бу синглимиз жуда меҳнаткаш. Ўз  устида тинимсиз ишлайди. Унинг айниқса, ёшлар орасида мухлислари ҳам кўп. Тўғри, камчиликлари бўлиши мумкин. Лекин унинг меҳнатларини ҳурмат қиламан.  Тез-тез янги қўшиқларини тинглаб турамиз. Ҳарқалай, ўзини кўрсата оляпди. Омадини берсин.  

Шербек Шодиев

Шаҳзоданинг яна экранларга қайтганидан хурсандман. У саҳна ва саҳна орти маданиятига эга бўлган тарбияли, ҳушмуомала, гўзал  хонанда. Қўшиқлари мазмунли ва таъсирли. Айниқса, охирги альбоми менга жуда ёқди. У меҳнаткаш ва тиришқоқлиги билан ҳам ажралиб туради. Мен Шаҳзодани ҳамкасбим сифатида жуда ҳурмат қиламан. Нима дейишим ҳам мумкин, албатта табриклайман.

Ойхон Эшонхонова

Шаҳзодани ёқимтой ва гўзал хулқли аёл сифатида ҳурмат қиламан. Қўшиқари аксарият ёшларга маъқул бўлиб келяпди. Унинг Москва каналлари орқали чиқишларини ҳам кузатиб тураман.  Нима ҳам дердим, албатта, унинг яна ижодга қайтганидан, яна экранлар орқали чиқиш қилаётганлигидан хурсандман. Шунингдек, чин юракдан табриклайман.

 Зебихон Атажонова (журналист)

Шаҳзоданинг ташқи кўриниши ҳақиқатан саҳнага чиқадиган даражада гўзал. Унинг меҳнатлари, изланишларини албатта, инобатга олмай иложимиз йўқ. Шаҳзода асосан шоу-бизнес санъаткори ҳисобланади. Ҳар бир тингловчининг ўзи севиб тинглайдиган хонандаси бўлади.  Мен уни қўшиқларини қабул қила олмайман. Чунки менинг ўзим севиб тинглайдиган санъаткорларим бор. Лекин уни кўпчилик ёшлар яхши қабул қилиб тинглашади.  Ҳақиқий санъаткорни эса менимча ҳамма ёшу қари бирдек севиб тинглаши керак деб ўйлайман.

Феруза Жумаева (ашаддий мухлиса)