Real Madrid” prezidenti Florentino Peres: "Jamoamiz safida to‘p surgan Zayniddin Zidan yoki boshqa ko‘plab buyuk futbolchilar kabi, Ronaldo ham o‘z faoliyatini "Madrid”da yakunlashni istashi haqida juda ko‘p marotaba aytgan. Biz ham xuddi shunaqa bo‘lishi xohlaymiz. Chunki, u jamoaning yuragiga aylanib ulgurdi. U 203 o‘yinda 203 ta gol urgan, bunaqasi "Real” tarixida hech qachon bo‘lmagan.”, — deya Ronaldo haqida o‘z fikrlarini bildirib o‘tdi.

Aslida, yangi shartnoma tuzish fikri 2011/12 mavsum so‘ngida paydo bo‘lgan. Hatto, 2009-yilda 94 million yevro evaziga "Manchester Yunayted”dan sotib olingan Ronaldoni yana "MYu”ga qaytishi haqida mish-mishlar paydo bo‘lgan edi. Yaqin-yaqingacha Ronaldo dunyoning eng qimmat futbolchisi hisoblanardi. Biroq, bu rekordni "Tottenhem”dan "Real Madrid”ga o‘tgan Garet Beylning transfer narxi (100 million yevro) o‘zgartirdi, bugungi kunda dunyoning eng qimmat o‘yinchisi Garet Beyl bo‘lsa, Ronaldo eng ko‘p maosh oladigan futbolchiga aylandi. Bu esa uning faoliyatidagi yana bir yangi rekord sanaladi.