Qosh qorasi sizda bo'lsa,
Ko'z qorasi bizda bor.
Sevgi cho'g'i sizda bo'lsa,
Alangasi bizda bor.
Gar o'pishlar sizda bo'lsa,
G'uncha lablar bizda bor.
Gap otishlar sizda bo'lsa,
Sho'x qarashlar bizda bor.
Rashk qilish sizda bo'lsa,
Rashk qildirish bizda bor.
Qattiq qo'llar sizda bo'lsa,
Nozil dillar bizda bor.
Ko'z qisishlar sizda bo'lsa ,
Qosh qoqishlar bizda bor.
Aldab ketish sizda bo'lsa,
Tashlab ketish bizda bor.
