"МТС-Ўзбекистон” фаолияти тўхташи билан айрим "пайнетчи”ларнинг куни
туғди.
"Билайн” компанияси тарқатган хабарга кўра, "PAYNET” терминали орқали
тўловлар амалга оширилишида инсофсизлик ҳолатлари қайд этилган.
Компаниянинг жамоатчилик билан алоқалар хизмати ходими Ўроз
Абдураззоқовнинг билдиришича, 17-18 июль кунлари айрим "PAYNET”
пунктларида балансни тўлдириш чоғида фирибгарлик ҳолатлари аниқланган.
"Билайн” компанияси "PAYNET” раҳбарияти билан ҳамкорликда шохобчаларда
мониторинг олиб бормоқда. "Бироқ абонентларнинг ўзлари ҳам ҳушёр
бўлишлари, балансларига қанча пул тушганлигини текширишлари, чекларни
сақлашлари лозим”, – деди Ў. Абдураззоқов.
Бундан ташқари, баъзи дилерлик шохобчаларида рақамларга уланиш чоғида
қўшимча маблағ талаб қилинган. Бироқ "Билайн” абонетларни рўйхатга олиш
қоидалари ўзгармаганини маълум қилди.
|
