"London-2012". Bugun 4 nafar sportchimiz musobaqalarda qatnashadi - 7 Августа 2012

Лондон (Буюк Британия)да ўтказилаётган ХХХ ёзги Олимпиада ўйинларида бугун спортнинг 18 тури бўйича мусобақалар ўтказилиб, мамлакатимиз вакиллари байдарка ва каноэда эшкак эшиш, енгил атлетика ва бокс бўйича бўлиб ўтадиган баҳсларда иштирок этадилар.

Биринчи бўлиб байдаркада 500 метр масофага эшкак эшиш мусобақаларида Юлия Борзова стартга чиқади. Мазкур мусобақаларда жами 29 нафар спортчи ярим финал йўлланмаси учун баҳс юритадилар. Ушбу мусобақаларда финал баҳслари 10 август куни бўлиб ўтади. Саралаш баҳслари бугун Тошкент вақти билан соат 14:07га белгиланган.

Шундан сўнг соат 15:25да аёллар ўртасида найза улоқтириш бўйича ўтказиладиган мусобақаларда ҳамюртимиз Анастасия Свечникова ғолиблик учун курашга киришади.

Бугун, шунингдек, енгил атлетика мусобақаларида яна бир юртдошимиз – Юлия Тарасова узунликка сакраш баҳсларида иштирок этади. Тошкент вақти билан соат 23:05да старт оладиган ушбу мусобақада жами 32 нафар спортчи икки гуруҳда баҳсларга киришадилар. Юлия Тарасова "А” гуруҳидан ўрин эгаллаган.

Тунги соат 00:45да бокс мухлислари ҳамюртимиз Жасурбек Латиповнинг (52 кг) чорак финалда мўғилистонлик Т.Нямбаярга қарши жангини кузатишади.

Барча мусобақаларда ҳамюртларимизга омад ва зафарлар тилаб қоламиз.