Катталаштирилган фотосуратлари илмий фантастиканинг таъсирчан ишқибозларини қўрқитишга қодир бўлган ушбу желесимон ва тишли махлуқ аслида буқачалар оиласига мансуб ноёб балиқ тури ҳисобланади, деб ёзади "The Daily Mail”.

Балиқ Хитойнинг шарқий Цзянсу провинциясида ушланган. Унинг кўлдан топилиши ҳайратланарли ҳол, чунки олдинлари бу турдаги балиқларни фақат денгизнинг соҳилга яқин жойларида ва дарё этакларида ушлаш мумкин бўлган. Бу балиқнинг узунлиги 30 сантиметрга етиши мумкин. У қисқичбақасимонлардан ташқари майда балиқлар ва майда умуртқасизлар билан ҳам озиқланади.