Kallasi olingan
tovuq yashay oladi — rost
Haqiqatan ham, tovuq kallasi olingandan so‘ng, bir necha daqiqa
"yashaydi”. U yugurishi va hatto uchishga ham urinib ko‘rishi mumkin. Bu
holat tovuqning boshi kesilganda miyaning reflekslarga javob beruvchi
boshlang‘ich qismi qolib ketishi bilan izohlanadi.
Yerning janubiy
yarimsharidagi girdob teskari aylanadi — yolg‘on
Yerning aylanish tezligi hatto eng kichik suv oqimiga ta’sir qilishga
ham yetmaydi. Girdobga hech qanday global qonuniyatlar ta’sir qilmaydi,
balki bu girdob hosil bo‘lgan relefga bog‘liq.
Inson miyasining 10%i ishlaydi — yolg‘on Bu
xato tushuncha salkam bir asrdan buyon mavjud. Baxtimizga unday emas.
Miyani magnit yordamida tadqiq qilish natijalarining ko‘rsatishicha,
bosh miyaning kattagina qismi tanamizning harakatlanishida faol
qatnashadi. Hatto uxlayotgan paytimizda ham miyamiz ishda bo‘ladi.
Shuning uchun, bunday afsonalarga ishonib yurmasdan, kallani yaxshilab
ishlatish maqsadga muvofiq.
Koinotda tortishish kuchi yo‘q — yolg‘on Bu adashishga hozir ommalashib ketgan "nol tortishish kuchi”
va "vaznsizlik holati” degan jumlalar sabab bo‘lganga o‘xshaydi.
Gravitatsiya, ya’ni tortishish kuchi hamma joyda mavjud va u barcha
odamlarga bir xil ta’sir qiladi. Doimiy ravishda o‘z kosmik kemalari
bilan birgalikda Yerga tushib ketavergani sababli, fazogirlar uchun
sun’iy ravishda vaznsizlik holati hosil qilinadi va ular "uchib
yurishadi”.
Osmono‘par binodan
tashlangan tanga insonni o‘ldiradi — yolg‘on
Oddiy tanga aerodinamika nuqtai nazaridan judayam mukammal qurol emas.
Shamol va havo qarshiligi tufayli hatto Empire State binosi (380
metr)dan tashlangan tanga ham jiddiy shikast yetkaza olmaydi. Shu bois,
agar siz birortasini tepadan turib jazolamoqchi bo‘lsangiz, tangangizga
avval bitta g‘isht sotib oling.
Tovuq sho‘rva bilan
shamollashni davolash mumkin — salkam rost
Faqat sho‘rva bilan shamollashni yo‘qotish mumkin emas, albatta. Ammo
olimlar bemorni majburlab sho‘rva ichiruvchilarni ma’qullaydi. Ma’lum
bo‘lishicha, tovuq sho‘rvada shamollashga qarshi kurashuvchi moddalar
mavjud ekan.
Katta yoshdagilar
miyasida hujayralar o‘sishi to‘xtaydi — yolg‘on
Garchi inson miyasi kichik yoshda eng faol shakllanib, o‘ssa-da,
hujayralar ko‘payishi katta yoshda ham to‘xtamaydi. Tadqiqotlarning
ko‘rsatishicha, neyronlar inson vafot etguniga qadar o‘sishda va
o‘zgarishda davom etadi. Shu bois, asablar qayta tiklanadi va yanayam
aqlliroq bo‘lish imkoniyati hammada bor.
Esnash "yuqadi” — rostroq
Tajribadan ma’lumki, bir kishi esnasa uning atrofidagilarga ham yuqadi.
Bu ilmiy nuqtai nazardan qanchalik to‘g‘riligini aytish mushkul, ammo
ba’zi olimlarning fikricha, yonimizdagi odamning esnashini qaytarish
refleksi avvaldan mavjud.
O‘limdan so‘ng soch va
tirnoq o‘sishda davom etadi — yolg‘on
Vafot etgan odam tanasidagi barcha jarayonlar birdaniga to‘xtaydi. Shu
qatorda, sochlar va tirnoqlarning o‘sishi ham.
Yomg‘ir ostida yugursak, kamroq ho‘l bo‘lamiz —
matematik jihatdan rost Bu taxminni tekshirish uchun maxsus
o‘tkazilgan matematik hisoblashlarning ko‘rsatishicha, haqiqatan
shunday. Yomg‘irda yugursangiz, kostyumingiz kamroq ho‘l bo‘ladi. Chunki
yomg‘ir asosan libosning old tomoniga tushadi.
Yashin bir joyga ikki marta tushmaydi — xavfli yolg‘on
Aslida, butunlay teskarisi. Yashin o‘zi "ma’qul ko‘rgan” joylariga ega.
Ma’lumki, yashin ko‘proq baland joylarga tushadi. Shu sababli, endigina
yashin urgan daraxtning tagiga bekinish noto‘g‘ri. Osmono‘par binolarga
yiliga o‘rtacha 25 marta yashin tushadi.
Ko‘knorili
bulochkani tanovul qilish — deyarli opium chekish bilan teng — salkam
rost Ushbu tushunchada haqiqat uchqunlari borligini ta’kidlash
lozim. Garchi, ko‘knorili bulochka yeganingizda nashavandlar tushadigan
holat — eyforiya (o‘zidan-o‘zi xursand bo‘laverishlik)ni his
qilmasangizda, narkologik muammolar yuzaga kelishi mumkin. Agar ikkita
ko‘knorili bulochka istem’ol qilgan kishining qoni biroz o‘tib analiz
qilinsa, nashavandning qoni unikidan tozaroq ekanligi aniq bo‘ladi.
Erkaklar har 7 soniyada JINSIY
ALOQA haqida o‘ylaydilar —
yolg‘onroq Ko‘payish haqida o‘ylash — albatta, odam bolasiga
tabiiy ato etilgan instinkt. Ammo bunday fikrlar erkak kishi xayoliga
nechog‘li kelishini ilmiy tekshirib ko‘rish mumkin emas. Sotsiologik
tadqiqotlarga ko‘ra, har 7 soniya — bu mubolag‘a.
Itning og‘zi inson
og‘zidan tozaroq — qiyoslash mumkin emas
Kuchuklar ozodalikdan yiroq joylarga tumshuqlarini tiqishini yaxshi
ko‘rishiga qaramasdan, ularning og‘iz bo‘shlig‘i inson og‘zidan ko‘ra
mikroblardan tozalangan, deb hisoblanadi. Og‘iz bo‘shlig‘ida turli
biologik ko‘rinishlarda yashovchi bakteriyalar shunchalik bir-biridan
farq qiladiki, ularni solishtirish mumkin emas. Shunday ekan, it
insondan tozaroq emas, shunchaki boshqacha.
Hayvonlar tabiiy ofatlarni oldindan sezadilar —
yolg‘onroq Hayvonlarda «oltinchi sezgi» mavjudligi haqida ishonchli
dalillar yo‘q. Biroq a’lo darajadagi hid bilish, eshitish va ko‘rish,
shuningdek, insonlardan ko‘ra yaxshi rivojlangan tug‘ma instinktlar
hayvonlarga yaqinlashayotgan xatarni sezish imkonini beradi. Shuning
uchun jonivorlar bo‘ron yoki tsunamiga hayratlanib qarab turmaydilar.
Shu bilan birga, tabiiy ofatlar tufayli ko‘plab hayvonlar nobud
bo‘ladilar. Shunday ekan, ularda «oltinchi sezgi» bo‘lgan taqdirda ham
bu alohida foyda keltirmaydi. (So‘nggi, 2004 yilgi tsunamida juda kam
hayvonlar halok bo‘lganini ham ta’kidlash lozim).
Buyuk Xitoy devori —
kosmosdan ko‘rinadigan yagona inson qo‘li bilan yaratilgan ob’ekt —
yolg‘on Ushbu fikrning turli variantlari mavjud, ammo ularning
hammasi birday yolg‘on. Kosmonavtlar quyi orbitadan inson yaratgan
ko‘plab ob’ektlarni ko‘rishlari mumkin. Masalan, Misr ehromlari yoki
hatto yirik aeroportlarning uchish-qo‘nish yo‘lakchalarini. Aynan Xitoy
devorining esa qaerda ekanligini ko‘rish boshqa obektlardan ko‘ra
qiyinroq. Devorni oydan ko‘rish mumkin emasligi esa aniq.
Saqich oshqozonda 7 yilda
hazm bo‘ladi — kattalar yolg‘oni Albatta, saqichni hazm qilish oshqozon
uchun boshqa yeguliklardan ko‘ra qiynroq, biroq organizmimiz uchun
mumkin bo‘lmagan narsaning o‘zi yo‘q. Jumladan, saqich ham hazm qilinib,
organizmdan chiqarib tashlanadi. Bu fikr qattiqqo‘l kattalarning
bolalarning yengil injiqliklariga bir chorasi xolos.
Fasllar almashinuvi Yerning Quyoshdan yiroqligi
o‘zgarishi tufayli — yolg‘on Yerdan Quyoshgacha bo‘lgan masofa
sayyoralarning orbita bo‘yicha harakati tufayli o‘zgarishi Yerdagi
harakatga kam ta’sir ko‘rsatadi. Hamma gap Yer sharining Quyoshga
nisbatan qiyalik burchagi sababli bo‘lib, bu fasllar almashinuviga
ta’sir qiladi. Hammasi oddiy, biroq haliyam tushunarsiz.
