AT-xabarlar - 31 Января 2012

Janubiy Afrika Respublikasida bankdan elektron shakldagi pullarni o‘g‘irlovchi bir guruh xakerlar hibsga olindi. Ular mamlakatdagi eng yirik, qisman milliy pochta xizmatiga qarashli bo‘lgan Postbank hisob-raqamlaridan kamida 7 mln. dollarni o‘zlashtirishgan. E'tiborli tomoni, xakerlar jinoyatni amalga oshirishda oddiy usullardan foydalanishgan, masalan, o‘zlarini telefonda mijoz sifatida ko‘rsatib mablag‘larni aytilgan hisoblarga o‘tkazib berishni so‘rashgan. Shuningdek, JARdagi uchta yirik shahardagi bankomatlardan ham millionlab dollar ishlashgan.

Jahon bank tizimida 2012 yilda axborot texnologiyalari uchun sarf-xarajatlar 173,3 mlrd. dollarni tashkiletadi, bu 2011 yildagidan 2,8 foiz ko‘p, ammo olti oy avvalgi prognozdan 4,3 foizga kamdir. Bu ma'lumotlar Celent kompaniyasi tadqiqotlarida keltirilgan.

YouTube servisidagi videoroliklar bir kunda 4 mlrd. marotaba tomosha qilinapti. Bu haqda Reuters agentligi xabar tarqatdi. Bu holat so‘nggi paytlarda YouTubening smartfonlarga faol integratsiyalashuvi va mobil amaliyot tizimlarining takomillashayotgani bilan izohlanmoqda.

Yaponiyaning Hitachi korporatsiyasi savdo hajmi pasayib ketishi munosabati bilan o‘z brendi ostida televizorlar ishlab chiqarishni to‘xtatishini ma'lum qildi. Korporatsiyaning Yaponiyadagi televizorlar tayyorlanadigan yagona zavodi suyuq-kristall proyektorlar va yarim o‘tkazgichlarga ixtisoslashadi.

Argentinada Federal biometrik identifikatsiya tizimi — SIBIOS faol joriy etilmoqda. Ikki yil ichida mamlakatning barcha fuqarolari — 40 million kishining barmoq izlari ro‘yxatga olib bo‘linadi. 2012 yil 1 yanvaridan mamlakatdagi barcha tug‘ruqxonalarda chaqaloqlarning qo‘l va oyoq barmoqlari elektron izlari va yuzining biometrik suratini olish boshlandi.

Xitoyda mobil internet ulanishlar 1 milliardlik dovonga yaqinlashmoqda. Bunga 3G-tarmoqlarni faol rivojlantirish evaziga erishilmoqda. Xitoydagi uch yirik mobil aloqa operatori — China Mobile, China Unicom va China Telecom mobil keng polosali ulanish xizmatini taqdim etmoqda.