Бунга ишонган кўпчилик ёшлар зудлик билан паспортини алмаштириш харакатига тушиб қолган. Биометрик паспорт олиш анчага чўзилишини ҳисобга олган айрим абитуриентлар эса олий ўқув юртига кириш имтиҳонларига улгура олмаслигидан ҳам ташвишга туша бошлаган. Вазиятга ойдинлик киритиш мақсадида ушбу савол билан Республика Олий ва ўрта махсус таълим вазирлигига мурожаат қилдик. 

Матбуот хизматидан бизга маълум қилишларича, вазирлик томонидан абитуриентларнинг ҳужжатлари биометрик паспорт асосида қабул қилиниши юзасидан олий ўқув юртларига ҳеч қандай кўрсатма берилмаган. Шунингдек Ўзбекистон Республикаси Ички ишлар вазирлиги ҳузуридаги Хорижга чиқиш-келиш ва фуқароликни расмийлаштириш бошқармаси ходимлари ҳам амалдаги паспортдан 2015 йилнинг 31 декабрига қадар фойдаланиш мумкинлигини маълум қилишди.