"Уммон” ҳануз машҳур гуруҳларнинг биринчилик олимпида! Илк альбомини эса катта шов- шувларга бой тарзда ўтказишни лозим топишди, шекилли, ҳали бирон хонанда учун яратилмаган шароит йигитлар учун ҳозирланмоқда. Фойдаси бўлмаса, ташкилотчилар ҳам шу қадар ёниб куярмиди? Альбом яхши сотилса, компания анча даромад кўриши аниқ. Хуллас, 31 январ куни "Уммон” барча мухлислари ва журналистларни пойтахти азимдаги энг йирик замонавий савдо мажмуаси "Мега планет”га чорламоқда. Айтишларича, ҳаммаси бошқача бўлади. "Уммон” учун "ўлиб қоладиган”ларга ажойиб имконият: сиз кумирларингизни нафақат яқиндан кўрасиз, балки дастхат олишга муваффақ бўласиз (албатта, альбом харид қилсангиз!))! Гуруҳнинг асосий мухлислари ўсмирлар эканлигини инобатга олсак, "фанат”лар ҳақиқий уммонга айланиб, "катта планета” аталмиш савдо марказини ўпириб кетиши, ҳеч гап эмас! Балки, тансоқчиларни кўпайтириш лозимдир? Балки, уларнинг орасидан ҳам "Қандай унутдинг” дея  тинмай нақорат ила куйланувчи хитнинг тингловчилари топилар! Хуллас, ана шунақа гаплар. Қолгани 31 январ куни!