Шоу-бизнесга кириб келганига бир йил бўлганига қарамай, ўз мухлисларига эга бўлишга улгурган "Зарба” гуруҳи изланишдан чарчамаяпти...Яқиндагина Буҳоро ва Навоийда концерт ўтказиб қайтган "Зарба” гуруҳи таркибида ўзгариш бўлди. Уч йигитдан иборат гуруҳнинг бир аъзоси шахсий сабабларга кўра "Зарба”ни тарк этди. Унинг ўрнига кастинг асосида бир йигит қабул қилинди. Шу сабабли гуруҳ янги репертуар устида иш бошлади. Қолаверса, қизлардан иборат "Дурдона” гуруҳи билан куйлаган "Ҳаракатда бўл” номли дуэтга клип суратга олиш ишлари ҳам бошлаб юборилган. Шунингдек, "Зарба” гуруҳи футбол ихлосмандлари учун ҳам қўшиқ ҳозирлаяпти. Йил якунида мухлисларга совға сифатида йигирмата қўшиқдан иборат илк альбом тақдим этиш нияти ҳам бор. Тез кунларда гуруҳнинг расмий сайти ишга тушади.
