"Barcha ezgu niyatlarimizning markazida farzandlarimizning ham jismoniy, ham ma’naviy jixatdan sog‘lom va barkamol qilib o’stirish, ularning baxtu-saodati, farovon kelajagini qurish, dunyoda xech kimdan kam bo’lmaydigan avlodni tarbiyalash orzusi turadi"

I. A. Karimov

Navoiy shahriga oxirgi marta qachon tashrif buyurdingiz? Bu savolni bejiz bermadim. Chunki viloyatning har bir fuqarosi o‘z ona shahrini tanib bo‘lmas darajada o‘zgarganini ta’kidlayotir. Shaharda "Umid nihollari – 2012” sport musobaqalarining bayramona shukuhi hukm surmoqda.

Yoshlar kamoliga bo‘lgan e’tibor yurt kelajagi bilan uyg‘unligi yaxshi ma’lum. Shuning uchun ham kelajagimiz egalarini sog‘lom, jismoniy, baquvvat qilib tarbiyalashga istiqlolning ilk kunlaridanoq alohida e’tibor qaratildi.

Yoshlar o‘rtasida ko‘plab sport musobaqalari tashkil etilib, muvaffaqiyatli o‘tkazib kelinmoqda. Shulardan biri umumiy ta’lim maktab o‘quvchilari o‘rtasida o‘tkaziladigan "Umid nihollari” sport musobaqalari - bu musobaqa maktabdan boshlanib, keyin shahar va tuman, viloyat va respublika bosqichi o`yinlari o`tkaziladi. Ushbu bellashuvlarda toblangan ko‘plab yoshlar bugungi kunda xalqaro maydonlarda mamlakatimiz sharafini munosib himoya qilmoqda.

Kichik olimpiada deya ta`rif etilayotgan "Umid nihollari” sport musobaqalariga mezbon Navoiy shahri, tashrif  buyurajak mehmonlarga katta taasurot qoldirishiga aminman.

Barchani do‘stlik va yoshlik shahri Navoiyda kutib qolamiz.

Firuz Xalilov