Bir necha yillik xastalik natijasida mashhur aktrisa Tamara Shokirova
kuni kecha bu yorug` olam bilan xayrlashdi. Uning muxlislari va
do`stlari ko`p edi. Negaki, 80-yillardayoq u o`zining iste`dodi bilan
o`zbek kino olamida shuhrat qozongandi. Shuning uchun ham uni bugungacha
juda ko`plab kino darg`alaridan tortib ijodidan xabardor bo`lganlarning
barchasi hurmat bilan tilga olardi. Ammo o`lim haq. 56 yoshni qarshi
olgan aktrisa shifokorlarning tinimsiz muolajalariga qaramay olamdan
o`tdi. Biz ijodkorimizning barcha muxlislari va do`stlari nomidan uning
qizlari Rayhon va singlisiga ta`ziya izhor etamiz. Tamara Shokirovaning
porloq xotirasi esa qalblarimizda abadiy yashaydi!