Главная » 2011 » Dekabr » 15 » OYBEK va NIGORAga ILK RAQOBATCHILAR: FARHOD va SHIRIN! Yangi juftlikdan ilk duetni qarshi olamiz. “YOSHLIKDA BERGAN KO`NGIL”...
19:33:38
OYBEK va NIGORAga ILK RAQOBATCHILAR: FARHOD va SHIRIN! Yangi juftlikdan ilk duetni qarshi olamiz. “YOSHLIKDA BERGAN KO`NGIL”...
So`nggi paytlarda san`at olamida yana ijodiy guruhlar ko`paya boshlagani haqida xabar bergandik. Ammo Oybek va Nigora dueti kabi juft bo`lib ishlaydiganlar chiqmayotgandi. Ayni shu kunlarda ularga ham raqobatchilar paydo bo`ldi. Keling, bu juftlik haqida sizga qisqa ma`lumot beramiz.
Shirinani yaxshi taniysiz. "Asal ukam”, "Boy bola”, "Ayting yorimga”, "Dilbaringman” qo`shiqlari orqali o`z muxlislarini topgan va shou-biznesdagi deyarli uch yillik faoliyati, davlat va nodavlat tashkilotlari tomonidan tashkillashtirilgan turli tadbirlardagi faol ishtiroki uchun "O`zbekiston belgisi” ko`krak nishoniga sazovor bo`lgan xonanda. O`z ijodiy faoliyatini aynan Shirina bilan taqdim etishni xohlagan bu yosh iste`dod egasining ismi esa Farhod.
.
Shu kunlarda ular birgalikda duet shaklida ijod qilishga kelishib oldilar va ilk duetlarini taqdim etyaptilar. Ushbu ijod namunasi "Yoshlikda bergan ko`ngil” deya nomlanadi. Bobur Bobomurod she`ri, Ahmad Hojimatov musiqasi bilan kuylangan ushbu duetning naqadar chiroyli chiqqaniga tinglab ko`rib, baho berasiz. Portalimizning "Audio” bo`limida siz "Yoshlikda bergan ko`ngil” qo`shig`ini tinglashingiz mumkin. Bir so`z bilan aytganda endi shou-biznesimizning Farhodu Shirinlari ham bor. Qiziq, ular Oybek va Nigorani qanchalik yo`lda qoldirisha oladi? Bunisi endi kuzatuvlarimiz natijasida ma`lum bo`ladi