"Odnoklassniki”ga har kuni 1,5 million o‘zbekistonlik foydalanuvchilar kiradi. O‘tgan yilning bahorida bu ko‘rsatkich 1 millionni tashkil etgan edi.
Hammasi bo‘lib ushbu tarmoqda 7 million o‘zbekistonliklar ro‘yxatdan o‘tgan va oylik auditoriyasining 92 foizi tarmoqning mobil versiyasidan foydalanadi. Bugungi kunda "Odnoklassniki” ijtimoiy tarmog‘ida umumiy hisobda 183 million kishi ro‘yxatdan o‘tgan, ulardan har kuni 40 million, har oyda esa 70 million foydalanuvchi tashrif buyuradi. Tarmoqning o‘rtacha auditoriyasi 18 yoshdan 26 yoshgacha bo‘lgan yoshlardir. Foydalanuvchilar orasida erkak va ayollar soni deyarli bir xil, lekin, O‘zbekistonda tarmoq ko‘proq erkaklar orasida ommalashgan. Aniqlangan ma’lumotlar bo‘yicha, o‘zbekistonliklar tarmoqda har kuni 10,5 millionta xabar yuboradi, 450 mingta izoh qoldiradi, 120 mingta surat joylaydi, 800 mingta "klass” bosadi, 1,5 millionta "baho” qo‘yadi va 130 mingta yangi "status”lar yozadi. Bundan tashqari, tarmoq orqali o‘zbekistonlik foydalanuvchilar har kuni 120 mingdan ortiq qo‘shiq eshitadi, 300 mingta video tomosha qiladi, 150 mingta o‘yinlarni saqlab oladi va 15 mingga yaqin sovg‘alar jo‘natadi. Hammasi bo‘lib esa tarmoqda 90 millionta qo‘shiq tinglanadi va 50 millionga yaqin videoroliklar tomosha qilinadi.
|