Motorola kompaniyasi kuni kecha o‘zining "Xoom”
deb nomlangan planshet kompyuterlarining ikkinchi avlodini namoyish
qildi. Kompaniya bu safar birdaniga ikkita planshetni foydalanuvchilar
e’tiboriga havola qildi – "Xoom 2” va mediaga
moslashgan "Xoom 2 Media Edition”. Bu haqda
"TechCrunch” texnoblogi xabar qilgan.
Bu ikkala planshet ham ko‘p jihatdan bir-biriga o‘xshab ketadi:
ularning ikkalasiga ham 1,2 Ggs chastotali ikki yadroli protsessor, 1
gigabayt operativ xotira, 16 gigabaytlik ichki xotira, 5 megapiksellik
orqa kamera va 1,3 megapiksellik old kamera o‘rnatilgan. Kutilganidek,
ularning har ikkalasi ham "Android 3.2 Honeycomb” mobil operatsion
tizimida ishlaydi.
Biroq, ularda ba’zi farqli jihatlar ham bor. Masalan, "Xoom 2”
modeliga "Gorilla Glass” himoyaviy oynasiga ega 10,1 dyumlik HD-displey
o‘rnatilgan bo‘lsa, "Xoom 2 Media Edition” esa undan kichikroq – 8,2
dyumlik displeyga ega. Katta "Xoom 2” batareyasi to‘liq zaryadlangandan
so‘ng 10 soatgacha yetsa, kichik model esa – 6 soatga.
"Xoom 2” planshet kompyuterining old tarafdan ko‘rinishi
Foto: Motorola
Bundan tashqari, kichkina model mediaga moslashgani uchun unga
"MotoCAST” media-servisi ham o‘rnatilgan.
"Xoom 2 Media Edition” planshet kompyuterida video tomosha qilish
Foto: Motorola
Planshetlar noyabr oyining o‘rtalarida Birlashgan Qirollik va
Irlandiyada sotuvga chiqariladi. Motorola kompaniyasining o‘zi hali beri
narxlar haqida biron narsa aytmadi. VIDEO ROLIKNI KO'RISH
Introducing
Motorola Xoom 2 & Xoom2 Media Edition (video) Introducing
MOTOROLA XOOM™2 & XOOM™2 Media Edition
|