Microsoft softver giganti va Janubiy Koreya sanoatining bayroqdor kompaniyasi Samsung kelajak texnologiyalaridan biri sifatida e’tirof etilayotgan "Microsoft Surface” sensorli multimedia stolining yangi modeli uchun oldindan buyurtmalar olishni boshlab yubordi. Ushbu qurilmaning narxi 8 400 AQSh dollariga teng. Mazkur innovatsion stoldan ta’lim tizimi, sog‘liqni saqlash, mehmonxona biznesi, dizayn studiyalar va boshqa sohalarda foydalanish mumkin.

Shu yilning yanvar oyida o‘tkazilgan "CES 2011” ko‘rgazmasida ilk marta namoyish qilingan "Samsung SUR40” multimedia stoli "Microsoft Surface” qurilmasining ikkinchi avlodi sanaladi. O‘zining oldingi versiyasidan u texnik xarakteristikalari hamda yangi sensor texnologiyasi, sezgilarni tanishdagi xususiyatlari bilan farq qiladi. Birinchi modeldan farqli o‘laroq, "Samsung SUR40” qurilmasida suyuq kristalli panel qo‘llanilgan bo‘lib, bu unga qurilma tannarxining kamayishiga yordam beradi.

"Samsung SUR40” multimedia paneli bir paytning o‘zida 50 tagacha sezgini "his qila oladi” – u nafaqat barmoqlarni, balki qo‘l va boshqa narsalarni ham "taniy” oladi.