Vint Serf hozirda "Google” kompaniyasida vitse-prezident bo‘lib ishlaydi. Uning so‘zlariga ko‘ra, "Google” internet-qidiruv sohasida doimiy dominant bo‘lib qola olmaydi, ertami-kechmi u o‘z o‘rnini yanada mukammal texnologiyalarni ishlab chiqayotgan yangi kompaniyalarga bo‘shatib berishga majbur bo‘lishi mumkin.

"Hozir sizga birorta mukammal, zamonaviy texnologiyani ishlab chiqishingizga hech kim qarshilik qilmaydi”, – deydi Vint Serf o‘z nutqida.

Tarixga qaytadigan bo‘lsak, Internet rivojlanishni boshlagan ilk kunlarda "Alta Vista” qidiruvi bu sohada yetakchi bo‘lgan, keyin uning o‘rnini "Yahoo!” egalladi. Oradan hech qancha vaqt o‘tmay, internet-qidiruv sohasidagi yetakchilikni "Google” o‘z qo‘liga oldi.

"Google” hozirda internet-industriyada dominantlik pozitsiyasini egallab turgan bo‘lsa-da, biroq "Bing” va "Yahoo!” kabi onlayn-qidiruv saytlari ham u bilan yetarlicha raqobat qilmoqda.

Ma’lumot o‘rnida:

Vint Serf – Internetning paydo bo‘lishiga ulkan hissa qo‘shgan odamlardan hamda TCP/IP-protokollarini ishlab chiqqan asoschilaridan biridir. Internetning paydo bo‘lishida bir nechta odamning mehnati ketgan bo‘lib, Vint Serf unda asosiy vazifani bajargan. Shuning uchun ham uni odatda "Internet otasi” deb atashadi.