Manzura talablariga binoan o’z saytining dizaynini yangilayapti. O’tgan gal Alisher Fayz shu ishga qo’l urganini xabar bergandik, bu gal esa navbat Manzuraga yetgan ko’rinadi. Albatta, kundan kun internet foydalanuvchilarining soni ortayotgan mahalda talabga yarasha ishlash muhim. Qolaversa, Manzuraning sayti ham Rayhon, Shahzodaniki singari tez-tez yangiliklar bilan boyiydigan bo’lib qolgandi. Har kuni yangilik topish qiyin lekin, yuqoridagi saytlarda xonandalar haqida kichik bo’lsada nimadir olish imkoniyati paydo bo’lyapti. Bundan xursand bo’lish kerak. Qo’shiqlarga keladigan bo’lsak, Manzura yaqin kunlarda "Xatolarimsan” qo’shig’idan keyin yana bir sho’x taronani havola etishga kirishadi.