Барселона” клубининг собиқ мураббийи мақомини олишга яқин турган Пеп Гвардиола, мавсум тугагач бир йил футболдан дам олишини тасдиқлади.
41 ёшли мутахассис "Барса” клубидаги тўрт йиллик муваффақиятли фаолиятидан сўнг клубни тарк этишини ва бунга сабаб қаттиқ чарчаганини билдирган эди.
"Мен бир йил давомида дам оламан, ундан кейин фаолиятимни қаерда давом эттиришни ўйлаб кўраман", - дейди Пеп журналистлар билан бўлган суҳбат чоғида. "Ҳозирча ҳеч қандай режам йўқ, ҳатто мураббийликни давом эттираманми, ёки йўқми, буни ҳам билмайман”.
"Мен яна мураббийликда давом этсам ҳам, ҳозирги эришган натижаларимдан кўпига эриша олмайман".
Гвардиола матбуот анжуманининг иккинчи қисмида ўз ёрдамчиси Тито Виланова шаънига илиқ сўзлар айтди.
"Келажакда биз бирга ишлашимиз ҳақиқатдан бироз йироқроқ", - дейди Пеп. "У барчанинг нигоҳида ҳақиқий мард инсон қиёфасини гавдалантирди ва клубни ўз қўлига олди".
"Умид қиламанки, Тито бу ерда узоқ фаолият олиб боради ва бу фаолияти давомида катта ютуқларга эришади.
"Мен Тито ўрнимни эгаллашини, кетишим ҳақидаги интервьюни берган куним билдим".
Шундан сўнг матбуот анжуманинг учинчи қисми бошланди. Испания термаси устози Висенте Дель Боске Давид Вильянинг Испания билан биргаликда Евро-2012 баҳсларига боришига шубҳа қилаётганини билдирган эди, аммо Гвардиола мазкур ҳужумчини Евро бошлангунича соғайишини билдирди.
"Унинг тикланиш жараёни ажойиб кечмоқда, барчаси режадагидек", - дея тинчлантирди Гвардиола. "Шифокорлар унинг Еврога бориш имкониятларини юқори баҳолашмоқда".
"Бу вазият Дель Боскега ҳам боғлиқ, аҳир у сўнгги қарорни қабул қилувчи инсон".
Гвардиола Испания кубоги финали доирасидаги "Атлетик” Бильбаога қарши ўйин ҳақида фикр билдирар экан, мазкур тўқнашувда рақиблардан жуда қаттиқ қаршилик кутаётганини тан олди.
"Биз аламзада "Атлетик" билан тўқнаш келамиз", - дейди испаниялик мураббий. "Улар Европа лигасидаги муваффақиятсизликлари аламини биздан олишлари мумкин".