Apple ва Google компаниялари дунёдаги энг қиммат BrandZ брендлар рўйҳатига бошчилик қилишди. Мазкур рейтинг Millward Brown Optimor халқаро тадқиқот агентлиги томонидан тузилган. Унга кўра Apple брендининг нархи бир йилда 1 фоизга ўсиб, 185 млрд долларга, Google нархи эса 5 фоизга ўсиб, 113,6 млрд долларга етган. Умумий рейтингда учинчи ўринни IBM компанияси эгаллади, аммо унинг кўрсаткичи 3 фоизга тушиб, 112,5 млрд долларни ташкил қилган.

Бир вақтнинг ўзида Microsoft корпорацияси техник компанияларинг Топ-20 рейтингида тўртинчи ўринни забт этди, унинг бренди нархи 9 фоизга тушиб, 69,8 млрд долларни ташкил қилган, умумий рейтингда эса еттинчи поғонани эгаллаган. Appleнинг бош рақиби Samsung компанияси бренд нархининг 51 фоизга ўсиши ва 21,4 млрд долларга етиши билан еттинчи поғонани, умумий рейтингда эса 30 ўринни эгаллади. Унинг кетидан Facebook ижтимоий тармоғи жой олиб, бренд баҳоси 36 фоизга тушиб, 21,2 млрд долларни ташкил қилган.

Google корпорациясининг рақиби Yahoo қидирув тизими илк бор қиммат компаниялар рўйҳатида пайдо бўлди ва техник компаниялар ичида 16 ўринни, умумийда эса 92 поғонани эгаллади.

BrandZ Топ-100 рейтинги Millward Brown Optimor агентлиги томонидан саккиз йилдан бери тузилади. Бу икки миллион кишининг сўрови ва минглаб компания кўрсаткичларини синчиклаб таҳлил қилиш асосида тузиладиган ягона рўйҳат ҳисобланади.