Eng yirik aloqa operatori "Bilayn” (Unitel MCHJ va Buzton QK)
Dmitriy Fisenko korporativ savdoni rivojlantirish bo‘yicha direktor
lavozimiga tayinlanganligini e’lon qiladi. U bu lavozimda ilgari
ishlagan, O‘zbekistondagi faoliyatini 2013 yil 24 may kuni tugatgan
Sergey Fomenkoning o‘rniga tayinlandi.
"Ham O‘zbekistondagi koporativ bozorning rivojlanish salohiyati,
ham Beeline Business jamoasining yuqori darajasi menda katta taassurot
shakllantirdi. Bugun oldimizga ilg‘or, shu jumladan M2M-texnologiyalar
borasidagi xizmatlarni ham joriy qilish bo‘yicha jiddiy maqsadlar
qo‘yilgan, Biznes-mijozlarimizga takliflarimiz bor va imkon qadar tez
orada yangi loyihalarni taqdim etamiz”, – dedi Dmitriy Fisenko.
"Beeline Business O‘zbekistonda ko‘pchilik korporativ mijozlarga
xizmat ko‘rsatib keladi, ularning orasida milliy iqtisodiyotga tegishli
yetakchi korxonalar ham oz emas, – tayinlovni sharhlaydi Unitelning
tijorat direktori Dmitriy Grigorev. – Kompaniyamizni tanlar ekan,
tadbirkorlar o‘z biznes jarayonlarining katta qismini bizga ishonishadi
va bizning majburiyatimiz ularga innovatsion yechimlar va sifatli
biznesni taklif qilgan holda ushbu ishonchni oqlashdan iborat.
Ishonman-ki "Bilayn”ning B2B-segmentdagi yetakchilik holatini
mustahkamlashga yordam beradi”.
Dmitriy Fisenko 1977 yilda Xarkov viloyatida (Ukraina) tavallud
topgan. 2001 yilda Ural davlat pedagogik universitetining fizika
fakultetini tamomlagan. 2008-2009 yillarda u Ural davlat texnik
universitetida "Iqtisodiyot va korxona boshqaruvi” dasturi bo‘yicha
o‘qishni davom ettirgan”.
Dmitriyning mehnat faoliyatining ibtidosi konsalting sohasida
boshlangan – 2001 yildan u yirik korxonalar uchun dasturiy
ta’minotlarni ishlab chiqish hamda joriy qilishga ixtisoslashgan
kompaniyalarda ishlagan.
2003 yil iyunda u "SSS Sovintel” MCHJga (Golden Telecom SB,
keyinchalik esa – "Bilayn” SB) ishga o‘tib, u yerda 7 yil davomida
savdo bo‘yicha mutaxassis lavozimidan boshlab, to Ural hududi bo‘yicha
agentlar hamda tijorat ko‘chmas mulklar bilan ishlash bo‘yicha katta
menejer lavozimigacha ko‘tarilgan.
2010 yil iyuldan 2013 yil avgustga qadar Dmitriy "VimpelKom” Perm filialida korporativ biznes direktori lavozimida ishlagan.
Ishdan bo‘sh paytlarida baliq ovi ham suratga olish ishlari bilan mashg‘ul. Oilali, bitta o‘g‘li bor.
| 
