| Статистика |
Xozir saytda 1 Mehmonlar 1 A'zolar 0 |
|
 | |  |
|
21:57:22 Битирувчиларга имтиёзли кредитлар ажратиляпти |
Ўзбекистон банклар ассоциациясида тадбиркорликнинг оилани мустаҳкамлашдаги ўрнига бағишланган анжуман ташкил этилди. Унда тадбиркор аёллар ва касб-ҳунар коллежлари битирувчиларининг истиқболли бизнес лойиҳаларини кредитлаш тизимини янада такомиллаштириш масаласи кўриб чиқилди.Тадбирда касб-ҳунар коллежларининг битирувчилари ва тадбиркор аёллар таклиф қилган лойиҳалар орасидан энг муносиб деб топилган 57 та лойиҳа муаллифига имтиёзли кредит олиш ҳуқуқини берувчи сертификатлар топширилди.– Коллежда ўқишни битиргач, ушбу соҳа бўйича хизмат кўрсатиш билан шуғулланиш мақсадида "Аҳолига хизмат кўрсатиш фаолиятини ривожлантириш" лойиҳасини таклиф қилгандим. Лойиҳам учун Ўзбекистон Ташқи иқтисодий фаолият миллий банки 10 миллион сўм кредит ажратадиган бўлди, - дейди Тошкент ахборот-технологиялари касб-ҳунар коллежи битирувчиси Элдор Ҳамдамов
Жорий йилда молия муассасалари барча молиялаш манбалари ҳисобидан кичик бизнес субъектлари учун 4,5 триллион сўм миқдорида маблағ йўналтириши, шундан 843 миллиард сўмдан кўпроғини микрокредитлар ташкил этиши мўлжалланган.
Бунда асосий эътибор замонавий технологиялар асосида ишлаб чиқариш ва хизматлар кўрсатиш кўламини кенгайтириш, оилавий тадбиркорлик, ҳунармандчиликни ривожлантириш, аёллар тадбиркорлигини қўллаб-қувватлаш ҳамда касб-ҳунар коллежлари битирувчиларининг бизнес лойиҳаларини маблағ билан таъминлашга қаратилади, дея хабар беради ЎзА.
Ўзбекистон Марказий банкидан маълум қилишларича, 2012-йилнинг биринчи чораги давомида кичик бизнес ва хусусий тадбиркорлик субъектларига тижорат банклари 1 триллион 185 миллиард сўм ёки ўтган йилнинг шу даврига нисбатан 1,4 баробар кўп кредит маблағлари ажратган.
|
|
Категория: BILASIZMI? |
Просмотров: 659 |
Добавил: Admin
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
