Главная » 2012 » Fevral » 12 » 2010/11 – mavsumda eng ko‘p daromad olgan futbol klublari, Deloitte – 2012
20:07:28
2010/11 – mavsumda eng ko‘p daromad olgan futbol klublari, Deloitte – 2012
Nufuzli auditorlik kontorasi – “Deloitte” kompaniyasi dunyodagi yetakchi futbol klublarining 2010/11 – mavsumda olgan daromadini hisoblab chiqdi. Bu yilgi reytingda ham birinchilikni Ispaniyaning “Real Madrid” klubi egalladi.
“Qirollik klubi” 2010/11 – mavsumda jami 479,5 million yevro daromad olib, ushbu ko‘rsatkich bo‘yicha ketma-ket yettinchi yil ham birinchilikni o‘zida saqlab turibdi. Agarda “Real Madrid” kelasi mavsumda ham daromadi bo‘yicha birinchilikni o‘zida saqlab turishga muvaffaq bo‘lsa, u bu boradagi “Manchester Yunayted” klubining rekordiga yetib olishi mumkin.
Dunyodagi mashhur futbol klublarini ularning bir mavsum davomida olgan daromadlari bo‘yicha reytingga ajratish ilk marta 1996/97 – mavsumda amalga oshirilgan bo‘lsa, Angliyaning “Manchester Yunayted” klubi o‘sha paytdan boshlab to 2003/04 – mavsumgacha ketma-ket sakkiz yil yetakchilikni o‘zida saqlab kelgan.
Reytingning ikkinchi pog‘onasini ham Ispaniyaning boshqa bir jamoasi – “Barselona” klubi band qildi. Kataloniyaliklar o‘tgan mavsumda jami 450,7 million yevro miqdorida daromad olishgan.
Kuchli uchlikni esa Angliyaning “Manchester Yunayted” klubi 367 million yevro daromadi bilan yopib berdi.
Shunday qilib, “Deloitte” tomonidan tuzilgan 2012-yilgi reytingdan quyidagi jamoalar joy oldi:
1 (1). «Real» (Ispaniya) – 479,5 million yevro
2 (2). «Barselona» (Ispaniya) – 450,7
3 (3). «Manchester Yunayted» (Angliya) – 367,0
4 (4). «Bavariya» (Germaniya) – 321,4
5 (5). «Arsenal» (Angliya) – 251,1
6 (6). «Chelsi» (Angliya) – 249,8
7 (7). «Milan» (Italiya) – 235,1
8 (9). «Inter» (Italiya) – 211,4
9 (8). «Liverpul» (Angliya) – 203,3
10 (16). «Shalke» (Germaniya) – 202,4
11 (12). «Tottenxem» (Angliya) – 181,0
12 (11). «Manchester Siti» (Angliya) – 169,6
13 (10). «Yuventus» (Italiya) – 153,9
14 (15). «Marsel» (Fransiya) – 150,4
15 (18). «Roma» (Italiya) – 143,5
16 (-). «Borussiya» (Germaniya) – 138,5
17 (14). «Lion» (Fransiya) – 132,8
18 (13). «Gamburg» (Germaniya) – 128,8
19 (-). «Valensiya» (Ispaniya) – 116,8
20 (-). «Napoli» (Italiya) – 114,9
